Asesiadau llesiant
Mae Deddf Llesiant Cenedlaethau’r Dyfodol (Cymru) 2015 yn gosod dyletswydd arnom ni fel partneriaid yn y sector cyhoeddus i gydweithio i baratoi a chyhoeddi asesiad o gyflwr llesiant economaidd, cymdeithasol, amgylcheddol a diwylliannol Conwy a Sir Ddinbych.
Yn gyntaf, fe wnaethon ni gasglu a dadansoddi cymaint o ddata, tystiolaeth, ymchwil a mewnwelediadau ag y gallem am lesiant trigolion. Mae hyn wedi llywio ein Hasesiad Llesiant, sy’n ein helpu i ddeall y sefyllfa bresennol yn ogystal â sicrhau ein bod yn cynllunio ar gyfer y dyfodol.
Mae canfyddiadau’r Asesiad Llesiant yn ein helpu i nodi a chynllunio sut y gallwn helpu i wella llesiant ar draws Conwy a Sir Ddinbych, nawr ac yn y dyfodol.
Rydym nawr yn cynllunio ar gyfer ein Hasesiad Llesiant nesaf, y mae’n ofynnol ei gyhoeddi yn 2027.
Mae rhagor o wybodaeth ar gael ar gyfer: Helpwch i lunio dyfodol ein Siroedd yng Nghonwy a Sir Ddinbych.
Asesiad llesiant Conwy a Sir Ddinbych
Cynllun llesiant Conwy a Sir Ddinbych
Wedi’i gymeradwyo ym mis Mawrth 2023, mae’r cynllun hwn yn nodi’r amcanion lleol y bydd Bwrdd y BGC yn eu dilyn i wella llesiant economaidd, cymdeithasol, diwylliannol ac amgylcheddol yr ardal.
Mae cyhoeddi’r Cynllun Llesiant Lleol yn nodi uchafbwynt gwaith a ddechreuodd yn 2021. Mae’n adlewyrchu ein hasesiad o lesiant ac yn nodi cyfleoedd allweddol ar gyfer gweithredu ar y cyd mewn meysydd lle gall y BGC wneud y cyfraniad mwyaf heb ddyblygu’r gwaith rhagorol sydd eisoes yn digwydd o fewn partneriaethau presennol a
sefydliadau.
Ein prif ffocws yw gwneud Conwy a Sir Ddinbych yn lle mwy cyfartal gyda llai o amddifadedd. I gefnogi hyn, rydym wedi nodi pedwar thema allweddol:
- Llesiant – Mae cymunedau’n hapusach, yn iachach, ac yn fwy gwydn yn wyneb heriau fel newid hinsawdd, argyfyngau natur, a chostau byw cynyddol.
- Economi – Economi lewyrchus a gefnogir gan weithlu medrus sy’n addas ar gyfer y dyfodol.
- Cydraddoldeb – Llai o rwystrau i bobl â nodweddion gwarchodedig.
- Tai – Mynediad gwell at dai o ansawdd da.
Er bod gwaith sylweddol eisoes wedi’i wneud i gyrraedd y pwynt hwn, dim ond dechrau taith y BGC yw hwn. Mae’r cynllun yn amlinellu’r hyn yr ydym yn anelu at ei gyflawni, ond mae angen datblygiad pellach i lunio ein rhaglen waith. Rydym yn croesawu eich mewnbwn fel rhan o’n sgwrs barhaus gyda chymunedau. Os hoffech gael gwybod am y newyddion diweddaraf, cymryd rhan, neu roi adborth, cysylltwch â ni.
Adroddiad Blynyddol
Bwriad yr adroddiad blynyddol yw i roi trosolwg byr o beth mae Bwrdd Gwasanaethau Cyhoeddus (BGC) Conwy a Sir Ddinbych wedi ei gyflawni ymhob blwyddyn ariannol ers cyhoeddi cynllun llesiant y BGC.Mae’n bwysig fod y BGC yn atebol i’r cyhoedd ac mae’r adroddiadau hyn yn helpu’r BGC i hunan-fyfyrio ar lle yn eu tyb nhw maent yn gwneud gwahaniaeth, yn unol â’r 5 ffordd o weithio yn ogystal ag amlinellu cyfeiriad y Bwrdd ar gyfer y dyfodol.
Cyhoeddwyd ein Cynllun Lles diweddaraf ym mis Mawrth 2023, ac roedd yn cynnwys y blynyddoedd 2023-2028. Dyma ein hadroddiadau blynyddol am y cyfnod hwnnw:
Ein haelodau
Aelodau statudol:
Steven Grayston
Rhun ap Gareth
Y Cynghorydd Jason McLellan
Cadeirydd, Cyngor Sir Dinbych
Helen White
Cadeirydd, Cyngor Sir Dinbych
Helen MacArthur
Martin Cox
Cynghorydd Julie Fallon
Aelodau gwahoddir:
Gillian Jones
Helena Kirk
Y Cynghorydd Carol Marubbi
Cynrychiolydd Cyngor Tref a Chymuned, Cymuned Conwy
Y Cynghorydd Gordon Hughes
Cynrychiolydd Cyngor Tref a Chymuned, Cymuned Sir Ddinbych
Elgan Owen
Louise Woodfine
Janine Downing
Stephen Hughes
Lee Boycott
Andy Dunbobbin
Steven McGregor
Amy Dietrich
