Bwrdd Gwasanaethau Cyhoeddus Sir y Fflint a Wrecsam

Mae Bwrdd Gwasanaethau Cyhoeddus Sir y Fflint a Wrecsam yn dwyn ynghyd y ddau awdurdod lleol, y bwrdd iechyd, Cyfoeth Naturiol Cymru, y gwasanaethau brys, y sector addysg a sefydliadau'r trydydd sector, gan gydweithio o dan Ddeddf Llesiant Cenedlaethau'r Dyfodol (Cymru) 2015.

Y pwrpas yw gwella llesiant economaidd, cymdeithasol, amgylcheddol a diwylliannol, creu cymunedau ffyniannus a gwydn a helpu pobl o bob oed i fyw bywydau iach ac annibynnol.

Yn ogystal ag ymdrechu i wella llesiant ar draws Sir y Fflint a Wrecsam, mae'r BGC yn gweithio gyda'r BGCau eraill yng Ngogledd Cymru, i ddatblygu dull rhanbarthol o ymdrin â llesiant.