Gwrando ar brofiadau personol. Dysgu ohonynt. Defnyddio hynny i greu newid.
Roedd 100 o Straeon yn brosiect dwy flynedd wedi’i gyd-gynhyrchu a ddaeth â phobl ifanc, rhieni a gofalwyr, gweithwyr proffesiynol a phartneriaid ledled gogledd Cymru ynghyd i archwilio profiadau pobl ifanc o ddod yn oedolion a symud drwy’r system iechyd, addysg a gofal cymdeithasol.
Daeth y prosiect ag oedolion ifanc, rhieni a gofalwyr, a gweithwyr proffesiynol o bob cwr o ogledd Cymru ynghyd, a rannodd eu profiadau o wasanaethau niwroddatblygiadol, anableddau dysgu a gwasanaethau iechyd meddwl pobl ifanc.
Roedd eu straeon yn cynnwys rhwystredigaeth, ansicrwydd a theimlo nad oeddent wedi cael eu clywed, ond hefyd, gwydnwch, penderfynoldeb a gobaith. Gyda’i gilydd, maent yn dangos pam nad rhywbeth sy’n syml yn digwydd ar ben-blwydd person ifanc yn 18 oed yw trawsnewid. I lawer o bobl, mae’n daith llawer hirach a all gael ei heffeithio gan brofiadau plentyndod ac amgylchiadau ehangach ac sydd angen cysondeb, dealltwriaeth a chefnogaeth.
Mae’r prosiect 100 o straeon yn ymwneud â mwy na chasglu profiadau. Trwy adrodd straeon, mae cyfranogwyr yn cael eu cefnogi i feithrin hyder, sgiliau arweinyddiaeth ac i fynegi beth sy’n bwysig iddyn nhw, gyda’r bwriad o feithrin yr amodau a’r sylfaen dystiolaeth i newid y system ar gyfer cenedlaethau’r dyfodol.
Yr Adroddiad 100 o Straeon.
Mae’r adroddiad yn dwyn y ddysg a’r dystiolaeth a gasglwyd drwy gydol y prosiect ynghyd. Mae’n pwysleisio materion allweddol, effaith adrodd straeon a’r gweithredoedd sydd eu hangen i greu dull mwy cydlynol, tosturiol o fynd i’r afael â thrawsnewid ac ymdrin â gwasanaethau ar draws y system iechyd, addysg a gofal cymdeithasol.
Darllenwch yr Adroddiad 100 o Straeon
Darllenwch y Fersiwn Hawdd ei Ddarllen
Sut i ddyfynnu’r adnoddau hyn
Os ydych chi’n defnyddio’r Adroddiad 100 Stori neu’r fersiwn Hawdd ei Ddarllen yn eich gwaith eich hun, dyfynnwch nhw fel a ganlyn:
Adroddiad 100 Stori
Wood, P. (2026) Adroddiad 100 Stori 2026. Bwrdd Iechyd Prifysgol Betsi Cadwaladr / Prifysgol Wrecsam / Awyr Las.
Fersiwn Hawdd ei Ddarllen
Cyfranogwyr 100 Stori, neu gyfranogwyr wedi’u henwi yn ôl cyfenw a llythrennau cyntaf (2026) 100 Stori: Crynodeb Hawdd ei Ddarllen [Graffeg a grëwyd gan y cyfranogwr]. Bwrdd Iechyd Prifysgol Betsi Cadwaladr / Prifysgol Wrecsam. Ar gael yn: https://agenda.cymru/insights/100-stories-project
Y Pecyn Cymorth Adrodd Straeon
Adnodd ymarferol ar gyfer gweithwyr proffesiynol ar draws lleoliadau iechyd, gofal cymdeithasol addysg a chymunedol.
Mae’n eich arwain drwy’r broses adrodd straeon, o gynllunio a hwyluso hyd at fyfyrio a gwerthuso, gydag adnoddau, enghreifftiau ac arferion sy’n ystyriol o drawma yn ganolog iddi.
Archwiliwch y Pecyn Cymorth Adrodd Straeon
Darganfyddwch y straeon
Mae’r adroddiad yn dwyn y canfyddiadau ynghyd, ond y tu ôl i’r canfyddiadau hynny, mae profiadau personol.
Ewch i’r oriel rithiol 100 o Straeon i wrando, darllen a darganfod detholiad o straeon a rannwyd drwy’r prosiect.