Croesawodd Wrecsam Gomisiynydd Cenedlaethau’r Dyfodol, Derek Walker, yn ddiweddar am ymweliad a dynnodd diwylliant, cymuned, a chydweithio ynghyd, gan ddangos sut mae meddwlam yrhirdymor yn edrych ar waith.
Daeth yr ymweliad yn sgil lansio Papur Gwyrdd ar Ddeddf Diwylliant i Gymru, sy’n pwysleisio pwysigrwydd gwreiddio diwylliant, hunaniaeth a threftadaeth yng nghyfreithiau Cymru, a’r angen i ddiogelu ac annog mynediad i fannau diwylliannol i bawb yng Nghymru.
Agor Ystafell Wrecsam yn Tŷ Pawb
Dechreuodd y diwrnod yn Tŷ Pawb ar gyfer agor Ystafell Wrecsam, ochr yn ochr â chydweithwyr o bob cwr o’r rhanbarth, a disgyblion o Ysgol Clywedog ac Ysgol Rhosnesni. Mae’r ystafell yn lle dinesig newydd ar gyfer archwilio gorffennol, presennol a dyfodol Wrecsam a’r ardal ehangach.
Man cyffredin i lywio lleoedd: yr Urban Rooms Network
Mae Ystafell Wrecsam yn rhan o Urban Rooms Network a Llwyfan Map Cyhoeddus, sef prosiect cydweithredol rhwng Prifysgol Wrecsam, Prifysgol Caerdydd, a Phrifysgol Caergrawnt. Bydd yr ystafell yn fan lle y gall cymunedau, awdurdodau lleol, prifysgolion, a’r diwydiant ddod ynghyd i drafod a llywio’r lleoedd y maent yn byw, gweithio, a chwarae ynddynt.
Theatr Clwyd: angor diwylliannol a chymunedol
Parhaodd yr ymweliad yn Theatr Clwyd yn yr Wyddgrug, Sir y Fflint, gyda thaith o’r adeilad newydd a thrafodaeth ynghylch ei arwyddocâd fel ased diwylliannol a chymunedol.
Mae Theatr Clwyd yn dangos sut mae mannau diwylliannol yn cyfrannu at lawer mwy o bethau na’r celfyddydau ac adloniant yn unig. Maent yn cryfhau cysylltiad ac ymdeimlad o berthyn, yn cefnogi creadigrwydd a chyfleoedd, ac yn creu lleoedd y gall cymunedau ddod at ei gilydd, ac mae pob un yn bwysig wrth feddwl am lesiant hirdymor.
Cydweithio rhanbarthol drwy’r Byrddau Gwasanaeth Cyhoeddus
Yn ddiweddarach yn y diwrnod, cafwyd cymryd rhan yng nghyfarfod Bwrdd Gwasanaethau Cyhoeddus Sir y Fflint a Wrecsam. Cadeiriwyd y cyfarfod gan Nina Ruddle o Brifysgol Wrecsam. Tynnodd y cyfarfod sylw at rôl Byrddau Gwasanaethau Cyhoeddus ledled gogledd Cymru a phwysigrwydd cydweithio rhanbarthol i gefnogi rhoi Deddf Llesiant Cenedlaethau’r Dyfodol ar waith.
Y Comisiynydd yn myfyrio: y 10 mlynedd nesaf
Daeth y diwrnod i ben â’r Comisiynydd yn myfyrio ar Adroddiad Cenedlaethau’r Dyfodol 10 mlynedd a’i argymhellion, sy’n annog meddwl am yr hirdymor, gweithredu a chydweithio i gefnogi llesiant cenedlaethau heddiw ac yfory.
Cynigiodd ymweliad Derek Walker gyfle amserol i atgoffa nad yw diwylliant, hunaniaeth, a lle yn “ychwanegol”, ond y sylfaen. Mae diogelu mannau diwylliannol, creu platfformau ar gyfer cyfranogi dinesig, a chryfhau cydweithio rhanbarthol i gyd oll yn rhan o greu Cymru sy’n gweithio’n well heddiw, ac ar gyfer cenedlaethau’r dyfodol.